རང་ཉིད་ལ་གླེང་བ།
གཅིགཁྱོད་རང་ཉིད་ཀྱི་དགྲ་བོས་བསླུས་པ་ནི་རྣམ་དཔྱོད་ཀྱི་གྲོགས་ལ་ཁ་ཐག་རིང་བས་ཡིན་ལ། ཁྱོད་རང་ཉིད་ཀྱི་གྲོགས་པོས་བསླུས་པ་ནི་གཡོ་སྒྱུ་ཡི་དགྲ་ལ་མགོ་བོ་མ་བསྒུར་བས་ཡིན།གཉིས།མི་མང་བོ་ཞིག་གིས་ཁྱོད་ལ་མདུན་སོ་ཡི་འོད་མདངས་འཕོག་ཏུ་འཇུག སྐབས་དེ་དུས། འགྱུར་མི་ཉན་པ་ཁྱོད་ཀྱི་མིག་ཟུང་གི་ཁ་དོག་ཡིན་ལ། འཆད་མི་ཉན་པ་ཁྱོད་ཀྱི་སེམས་ཁོང་གི་གསང་གཏམ་ཡིན། རང་ཚུགས་འདི་ཁྱོད་ཀྱི་མིག་ཟུང་ཡིན། མིག་ཡོད་ཚེ། ངོ་གདོང་འགས་ཁྱོད་ལ་བཞའ་ཐབས་འབྲལ་ངེས།གསུམ།ཁྱོད་ཀྱི་ཡ་ཆུང་སེམས་ཁོང་ན་ཀྱག་ཀྱོག་མེད་ཅིང༌། ཁྱོད་ཀྱི་དམར་ཆུང་ལྕེ་རྩེ་རུ་འཁྱོག་གཏམ་བྲལ་ཚེ། ཁྱོད་ལ་དགོད་རོགས་ཉུང་ཡང་ངུ་རོགས་མང་ཟེར། འོན་ཀྱང༌། དུས་ཚིགས་ཤིག་གི་བཞུད་སྟངས་ལས་ཁྱོད་ཀྱི་མིག་ཟུང་ལས་མཆི་མ་ག་ཚོད་བཞུར།བཞི།ཁྱོད་ཀྱིས་རང་ཉིད་ལ་མཛུབ་མོ་གཏད་དེ། རང་གཤིས་དང་རང་ཉིད་ཀྱི་ཕུགས་བསམ་གླེང་པ་ནི། རྒྱ་སྟེང་ཞིག་གི་རང་ཉིད་ཀྱི་ལྕི་ཚད་ཁྲོམ་སྒྲོག་བྱས་པ་ཡིན་མོད། ཆེ་ཚུགས་དང་གྲགས་འདོད་མེད་ཚེ། སེམས་གཏིང་གི་ཚོར་བས་དེད་པའི་དབྱངས་རྟའི་ཚེ་སྲོག་ཁྱོད་ཀྱི་འཇིག་རྟེན་འདིའི་ཟས་རིན་དུ་རློམ་ཆོག
No comments:
Post a Comment